Rusiya ilə Ukrayna arasındakı əsir mübadiləsinin  detalları  üzə çıxıb.

“Azov” batalyonunun beş komandiri və ukraynalı siyasətçi Viktor Medvedçukun əsir mübadiləsi çərçivəsində dəyişdirilməsi sentyabrda Ankara hava limanında baş tutub,

Oxu24.com  xəbər  verir  ki, Hürriyyətin hərbidəki  mənbələrə istinadən yaydığı  məlumata  görə   əsir   mübadiləsinin təşəbbüskarı Rusiya olub.

Qəzetin məlumatına görə, mübadilə danışıqları Türkiyə Milli Kəşfiyyat Təşkilatının Ankaradakı qərargahında aparılıb. Nəşrin həmsöhbətləri bildiriblər ki, Rusiya tərəfi Azov batalyonunun komandirlərinin Türkiyədə qalması şərtini irəli sürüb və Ukrayna bunu qəbul edib.

Mübadilə günü Rusiya və Ukraynadan gələn təyyarələr “bir-bir” Ankaranın Esenboğa hava limanına enib. Medvedçuk Ukrayna təyyarəsində, Azov komandirləri Rusiya təyyarəsində təslim edildi. Enişdən sonra Ukrayna nümayəndələri türk kəşfiyyatçılarının iştirakı ilə Rusiya təyyarəsinə, ruslar isə Ukrayna təyyarəsinə miniblər. Hürriyet qeyd edir ki, mübadilə problemsiz keçib.

Bu əsir mübadiləsi Rusiya tərəfindən genişmiqyaslı müharibə başlayandan bəri ən böyük mübadilə olub.

Tərcümə: Miri Məcidli