Dekabrın 31-də Rostov AES-də enerji blokunun blok transformatoru yanıb.

Oxu24.com Rusiya mətbuatına istinadən  xəbər verir ki, bir nəfər ölüb, bir nəfər yaralanıb.

“2022-ci il dekabrın 31-də saat 18:30-da Rostov AES-də 3 saylı enerji blokunun blok transformatoru yanıb.  Yanğın yerində bir  zavod işçisi ölü digəri isə yaralı tapılıb", deyə Rosenergoatom saytı açıqlama yayıb.

Açıqlamaya görə, AES-də və ərazidə radiasiya fonu normaldır.

Rostov AES-i Rostov vilayətinin Volqodonsk şəhərindən 16 kilometr aralıda, Tsimlyansk su anbarının sahilində yerləşir. Dörd işləyən enerji blokunun elektrik gücü 4,071 GVt təşkil edir.

Tərcümə: Miri Məcidli