ABŞ prezidenti Co Baydenin administrasiyası Rusiyaya pilotsuz təyyarələrin çatdırılması və Ukraynada mülki infrastruktura hücumlar üçün istifadə edilən İran tədarük zəncirinin qarşısını almaq üçün kampaniyaya başlayıb.

Oxu24.com xəbər  verir  ki, bu barədə “The New York Times” qəzetinə kəşfiyyat, silahlı qüvvələr və milli təhlükəsizlik nümayəndələri məlumat verib.

ABŞ-ın məqsədi İranı pilotsuz təyyarələr istehsal etmək qabiliyyətindən məhrum etmək, Rusiya ordusunun kamikadze pilotsuz təyyarələr buraxmasını çətinləşdirmək və bunu bacarmasa, ukraynalıları səmadan yeri  vurmaq üçün lazım olan müdafiə vasitələri ilə təmin etməkdir.

İran rəsmiləri Ukraynaya hücumdan  əvvəl Rusiyaya “məhdud sayda” dron təhvil verdiyini etiraf ediblər,

ABŞ əsgərləri Ukrayna hərbçilərinə pilotsuz təyyarələrin buraxılış üçün hazırlandığı yerləri tapmağa kömək edir. Bundan əlavə, amerikalılar Ukraynanın onları vurmaq şansını artırmaq üçün bir qrup dronun yaxınlaşması barədə erkən xəbərdarlıq etmək üçün nəzərdə tutulmuş yeni texnologiyalar tətbiq edir.

Milli Təhlükəsizlik Şurasının sözçüsü Adrienne Watson, ABŞ-ın "sanksiyalar, ixrac nəzarəti və hissələri istehsalda istifadə edilən özəl şirkətlərlə danışıqlar yolu ilə İranın pilotsuz təyyarə istehsalı ilə mübarizə yollarını araşdırdığını" söyləyib.

"Biz İranın pilotsuz təyyarə texnologiyasına çıxışını məhdudlaşdırmaq üçün ixrac nəzarəti baxımından ata biləcəyimiz əlavə addımları qiymətləndiririk" deyə  Watson bildirib.

Rusiya soyuq hava ərəfəsində Ukraynanın enerji infrastrukturuna hücum etmək üçün İran istehsalı olan kamikadze dronlardan istifadə edir.

Noyabrda ABŞ Rusiyanın Ukraynaya qarşı hücumlarda istifadə etdiyi İran pilotsuz təyyarələrinin istehsalı və ya ötürülməsində iştirakda ittiham olunan şirkət və şəxslərə qarşı sanksiyalar tətbiq edib.

Ukrayna prezidentinin köməkçisi Mykhailo Podolyak bu həftənin əvvəlində deyib ki, İran-Rusiya pilotsuz uçan aparat ticarəti “beynəlxalq sanksiyalar institutunu açıq-aşkar alçaldır” və İranın pilotsuz təyyarələr istehsal edən müəssisələrinin “ləğv edilməsinə” çağırıb.

Tərcümə:Miri Məcidli