Ukrayna Prezidenti Aparatının rəhbəri Mixail Podolyak öz Tvitter hesabında bildirib ki, Ukrayna tərəfi həbsdə olan Gürcüstanın sabiq prezidenti Mixail Saakaşvilini qəbul etməyə hazırdır.
"Ukrayna Saakaşvilini qəbul etməyə, onun təhlükəsizliyini və düzgün rəftarını təmin etməyə hazırdır", - Podolyak Twitter-də yazıb.
Bir gün əvvəl Ukrayna prezidenti Vladimir Zelenski Mixail Saakaşvilini azad edib müalicə üçün Ukraynaya köçürməyə çağırıb.
Gürcüstanda Mixail Saakaşvili vəzifə səlahiyyətlərindən sui-istifadə ittihamı ilə 6 il müddətinə azadlıqdan məhrum edilib. Mixail Saakaşvili xəstəxanadadır və Tbilisi Şəhər Məhkəməsi ona növbəti görüşə qoşulmaq üçün video bağlantı təqdim etməyib. Dekabrın 14-də o, məhkəmə ilə video əlaqənin olmamasına etiraz olaraq aclıq aksiyasına başlayıb, lakin bu, cəmi bir neçə saat çəkib.
May ayından Mixail Saakaşvili Vivamedi klinikasında müalicə alır. Saakaşvilinin vəkilinin sözlərinə görə, onun 36 xəstəliyi, o cümlədən vərəm və demans var. Onun qanında civə və ağır metalların olduğu da müəyyən edilib.
Tərcümə: Nigar
Oxu24.com
ŞƏRHLƏR