Fransa prezidenti Emmanuel Makronun ölkə yığmasının forvardı Kilian Mbappeyə məğlubiyyətdən sonra təsəlli verib.

OXU24.COM bildirir ki, matçda Fransa yığmasının qoleadoru K.Mbappenin hər qolundan sonra VİP lojadakı E.Makron yerindən atılır, cuşa gəlir, az qala rəqs edirdi.

Sosial şəbəkə istifadəçiləri bu məqamları diqqətdən yayındırmayıblar

Məsələn, Esma Özdaşlı Twitter-dəki akkauntunda yazıb: "Nə oldu, Makron? Rəqs edirdin, Qətərə yol çəkirdin..."

Qeyd edək ki, Qətərdə keçirilən dünya çempionatında Argentina millisi Fransa yığmasını penaltilərlə (əsas vaxt 2:2, əlavə vaxt 3:3) məğlub edib və tarixində 3-cü dəfə dünya çempionu olub.