Türkiyənin cənub-şərqindəki Diyarbəkir vilayətində bomba yüklü avtomobilin partladılması nəticəsində azı 9 polis əməkdaşı yaralanıb.

Dekabrın 16-da səhər saatlarında  avtomobil yolunda bomba yüklü avtomobilin partladılmasında şübhəli bilinən 5 nəfər saxlanılıb. 

Oxu24.com Türkiyə mətbuatına istinadən xəbər  verir   ki, hadisədən bir saat sonra partlayışı törədən şəxs tutulub. Türkiyənin daxili işlər naziri Süleyman Soylu bildirib ki,həmin şəxsin qardaşı terror təşkilatının üzvü olub.

 “O əməlini etiraf edib. Məlum olub ki, həmin şəxsin qardaşı terror təşkilatının üzvü olub. O, 2014-cü ildə zərərsizləşdirilmişdi”. 

Nazir terror aktı ilə bağlı istintaqın davam etdiyini vurğulayıb. 

Tərcümə: Nigar Oktayqızı