Oxu24.com oxuculara hüquqi yardımını davam etdirir.

Bu dəfə təqdim etdiyimiz mövzu Əmək müqaviləsinin ləğv olunması qadağan edilən işçilər və hallarla bağlıdır.

Aşağıdakı hallarda  işçilər işdən çıxarıla bilməz. Bu ciddi qanun pozuntusu hesab edilir.

İşəgötürən tərəfindən:

-hamilə, habelə üç yaşınadək uşağı olan qadınların, üç yaşınadək uşağını təkbaşına böyüdən kişilərin;

-yeganə qazanc yeri işlədiyi müəssisə olub məktəb yaşınadək uşağını təkbaşına böyüdən işçilərin;

-əmək qabiliyyətini müvəqqəti itirən işçilərin;

-işçinin şəkərli diabetlə və ya dağınıq sklerozla xəstə olması səbəbinə görə;

-həmkarlar ittifaqları təşkilatının və ya hər hansı siyasi partiyanın üzvü olması motivinə görə;

-öhdəsində sağlamlıq imkanları məhdud 18 yaşınadək və ya I dərəcə əlilliyi olan ailə üzvü olan işçilərin;

-məzuniyyətdə, ezamiyyətdə olduğu vaxtda, habelə kollektiv danışıqlarda iştirak etdiyi müddət ərzində işçilərin əmək müqaviləsinin ləğv edilməsi qadağandır.

Hazırladı: Miri Məcidli