Britaniya dəniz piyadaları Ukraynada gizli əməliyyatlarda iştirak edib

Oxu24.com xəbər  verir  ki,“The Times” yazır  ki, Britaniyanın yüksək rütbəli generalı bildirib ki, Britaniyanın dəniz piyadaları Ukraynada gizli əməliyyatlarda iştirak edib.

Əvvəllər dəniz piyadalarına komandanlıq edən general-leytenant Robert Maqoven dəniz piyadalarının “son dərəcə həssas mühitlərdə” əməliyyatları dəstəkləməkdə iştirak etdiyini və missiyaların “yüksək səviyyədə siyasi və hərbi risklə” bağlı olduğunu bildirib.

O, ilin əvvəlində 350 piyadanın Britaniya səfirliyinin Kiyevdən Polşaya köçürülməsinə necə kömək etdiyini bildirib. Aprel ayında Britaniya rus qoşunlarının geri çəkilməsindən sonra diplomatik mövcudluğunu bərpa etməyə cəhd edərkən, onlar səfirliyi qorumaq üçün Kiyevə qayıdıblar.

Maqoven əməliyyatlarda iştirak etməklə yanaşı, Ukrayna hərbçilərinin təlimində dəniz piyadalarının rolunu yüksək qiymətləndirib. "Biz bu yay yüzlərlə Ukrayna hərbçisinin təlimində fəal iştirak etmişik. Həmçinin Ukrayna dəniz piyadalarına təlim keçməyi planlaşdırırıq", - Maqoven bildirib.

Tərcümə: Miri Məcidli