Qazaxıstanın “Vlast” nəşrinin redaktorları Roskomnadzordan (RKN) Rusiyanın Ukraynaya müdaxiləsi ilə bağlı xəbərlərin saytdan silinməsini tələb edən bir sıra bildirişlər alıb.
Xüsusilə, bu, Vinnitsanın Rusiya raketləri tərəfindən atəşə tutulması və Mariupolda həlak olan mülki əhalinin sayı ilə bağlı xəbərlərə aiddir.
Tələblərə əməl etməkdən imtina edildiyi təqdirdə Roskomnadzor saytın Rusiyadakı yayımını bloklamaqla hədələyib.
Oxu24.com xəbər verir ki, nəşr həmçinin qeyd edib ki, “onun fəaliyyəti Rusiya qanunları və nəzarət orqanları tərəfindən tənzimlənmir.
Redaktorlar Ukraynadakı müharibə ilə bağlı bu və ya hər hansı digər xəbəri silmək niyyətində deyillər və Rusiya hərbi senzuraya cavabdeh olan departamentin bu məsələyə münasibətindən asılı olmayaraq, onu işıqlandırmaqda davam edəcəklər”.
Tərcümə: Miri Məcidli
Oxu24.com
ŞƏRHLƏR