Zelenski “The New York Times”ın təşkil etdiyi DealBook sammitində İlon Maskı Ukraynaya dəvət edib.

Oxu24.com Ukrayna mətbuatına istinadən xəbər  verir  ki, Zelenski iş adamı rus qoşunlarının ölkəsinə vurduğu zərəri görə bilməsi üçün İlon Maskı Ukraynaya dəvət edib.

“Rusiyanın burada nə etdiyini anlamaq istəyirsinizsə, Ukraynaya gəlin və bunu öz gözlərinizlə görəcəksiniz. Bundan sonra siz bizə müharibəni necə bitirəcəyini və kimin başladığını söyləyəcəksiniz”, - deyə Zelenski bildirib.

Xatırladaq ki, oktyabrın əvvəlində Mask Moskva ilə Kiyev arasında mümkün atəşkəsin parametrlərini təklif etdiyi bir sıra tvitlər dərc edib. O, xüsusən də Ukraynaya Krımı qaytarmamağı təklif edib.

Tərcümə: Aynur Məcidova