2022-ci il dünya çempionatında Argentinanı məğlub edən Səudiyyə Ərəbistanında qələbə ilə əlaqədar sabah bütün ölkədə bayram elan edilib.

Oxu24.com xarici mediaya istinadən xəbər  verir  ki, Səudiyyə Ərəbistanının vəliəhd şahzadəsi Məhəmməd bin Salman çərşənbə günü Kral Salmanın təsdiqi ilə Argentina üzərində qələbə ilə əlaqədar milli bayram elan edib.Bununla da sabahki gün qeyri-iş günü elan edilib.

DÇ-2022-nin C qrupunun ilk oyununda Argentina liderlik etdiyi matçda Səudiyyə Ərəbistanına 2:1 hesabı ilə uduzub.

Ən böyük favoritlərdən biri kimi göstərilən Argentinanın turnirin lap əvvəlində şok məğlubiyyəti bütün futbol sevərləri təəccübləndirdi. Qarşılaşmada Messi penaltidən hesabı açıb.

Qarşılaşmada Səudiyyə Ərəbistanı 48-ci dəqiqədə Əl Şehrinin, 53-cü dəqiqədə isə Əl Davsərinin vurduğu qollarla önə keçib.

Qalan dəqiqələrdə hesabı qoruyub saxlaya bilən Səudiyyə Ərəbistanı matçdan qələbə ilə ayrılıb.

Tərcümə: Miri Məcidli