Azərbaycanın tanınmış müğənnisi Qədir Qızılsəsin ölüm xəbəri yayılıb.

Bu barədə sosial şəbəkələrdə post paylaşılıb. İnstaqramda xəbər səhifələri sənətçinin həyatını itirdiyini iddia edib.

OLAY mövzu ilə bağlı Qədir Qızılsəsin əlaqə nömrəsinə zəng vurub. Lakin telefona cavab verən olmayıb. 

İfaçının yaxın dostları Manaf Ağayev və Mikayıl Güləddinoğlu isə OLAY-a danışaraq, bu barədə məlumatsız olduqlarını və yayılan xəbərin böyük ehtimalla yanlış olduğunu bildiriblər.

Müğənni Qədir Qızılsəsin ölümü ilə bağlı sosial şəbəkələrdə yayılan məlumat yanlışdır.

Bu barədə ifaçının özü OLAY-a açıqlama verib:

“Bayaqdan telefonum dayanmır. Şükür, yaxşıyam. Bilmirəm məndən nə istəyirlər, əl çəkmirlər. Hər şey yaxşıdır, sadəcə olaraq paxıl insanlardır o xəbəri yayanlar. Çox ayıbdır. Zəng üçün təşəkkür edirəm, narahat olmayın, hər şey qaydasındadır”.

Qızılsəs efirlərdə az-az görünməsinin səbəbininin isə şəhidlərimizlə əlaqəli olduğunu qeyd edib.