Bu günkü ekologiya, az hərəkətli həyat tərzi, zərərli vərdişlər, düzgün qidalanmama qan damarlarında kifayət qədər ciddi problemlər yaradır, müxtəlif damar xəstəliklərinə səbəb olur. Buna görə də mütəmadi olaraq damarların qayğısına qalmaq, onların təmizlənməsini təmin etmək sağlamlıq üçün olduqca vacibdir.

OXU24.COM xarici mətbuata istinadən , damarların ən sadə üsulla təmizləməsi ilə bağlı faydalı məsləhət təqdim edir.

Damarları daim sağlam saxlamaq istəyirsinizsə, düzgün və xeyirli qidalanın, ziyanlı vərdişlərdən imtina edin, hərəkətli olun, daim bədən tərbiyyəsi və idmanla məşğul olun.

Bəzi xalq təbabəti vasitələri damarların vəziyyətinin yaxşılaşmasına, damarların təmizlənməsinə kömək edir. Bu vasitələrin arasında:

Sarımsaq və limon.

Divarlarını möhkəmləndirir, onları daha elastik edir.

4 təmizlənmiş baş sarımsaq və 4 limon (qabığı ilə) blenderdə əzin. Alınmış kütləni yaxşı qarışdırın və 3 l-lik bankaya qoyub üzərinə banka dolana kimi ilıq su əlavə edin. Bankanı ev temperaturunda 3 gün ərzində saxlayın (tez-tez qarışdırın). Daha sonra dərmanı yaxşı süzün və soyuducuda saxlayın. Dərmanı gündə 3 dəfə 100 ml olmaqla için. Müalicə kursu - 1 ay. Dərman qurtarana yaxın təzə porsiya hazırlayın.