Belarusdan Volın istiqamətində hücum təhlükəsi yüksək qiymətləndirilir.

Oxu24.com  xəbər verir ki bu barədə Ukrayna Silahlı Qüvvələrinin Baş Qərargahından məlumat verilib.

“Ukraynanın müdafiə qüvvələri Belarusdan gələcək müqaviməti dəf etməyə hazırdır” - məlumatda bildirilib.

Kəşfiyyat məlumatlarına görə, yaxın 1-2 gün ərzində Belarus Rusiya tərəfindən Ukrayna ilə müharibəyə girəcək.

Hərbi və təhlükəsizlik rəsmiləri arasında olan mənbələrin məlumatına əsasən, sıravi hərbçilər və Belarus sakinlərinin müqavimətinə baxmayaraq, bu qərarı ölkə rəhbərliyi qəbul edib.

Güc blokunun nümayəndəsi olan mənbə qeyd edib ki, belaruslar heç vaxt heç yerdə döyüşməyiblər, Ukrayna ilə müharibə üçün nə döyüş təcrübəsi, nə də aydın səbəbləri var.

O hesab edir ki, “Belarus hərbçiləri Ukrayna ərazisində “top yemi”nə çevriləcək”.

Eyni məlumatı gecə saatlarında hüquq-mühafizə orqanlarındakı digər mənbə də əlavə şərhlə təsdiqləyib: “Vəziyyət belədir, məlumatı təsdiq edirik. Ciddi cavab verməyə hazırlaşırıq. Mütləq qalib gələcəyik”.

SON DƏQİQƏ! Rusiya təhlükəli silahını işə saldı: Ukrayna vuruldu