Rusiyanın paytaxtı Moskva şəhərində yerləşən evlərin birində əl qumbarasının partlaması nəticəsində yaralanan on iki yaşlı uşaq reanimasiyadadır.

“Report” xəbər verir ki, bu barədə şəhər prokurorluğu məlumat yayıb.

Qeyd olunub ki, uşağın daxili orqanları zədələnməyib və ona lazımi tibbi yardım göstərilir.

Bundan əvvəl prokurorluq uşağın ölməsi barədə məlumat yaymışdı.

21:36
Rusiyanın paytaxtı Moskva şəhərindəki evlərin birində “F1” əl qumbarasının partlaması nəticəsində üç nəfər ölüb.

Bu barədə “Report” “TASS”a istinadən xəbər verir.

Qeyd olunub ki, 14 yaşlı yeniyetmə hadisə yerində, daha bir şəxs təcili yardım avtomobilinə aparılarkən ölüb. Digər, 12 yaşlı uşaq isə xəstəxanada keçinib.

İstintaq Komitəsi faktla bağlı cinayət işi açıb, araşdırma aparılır.