Töhmət və böhtan o qədər çirkin əməllərdir ki, hətta lənətlik İblis də belə, onu yerinə yetirənlərdən bezardır. Halbuki, şeytan həmişə insanların pis əməllərini bəyənir. Ancaq bu iki əməl o qədər çirkindir ki, şeytan da onun çirkin olmasını təsdiq edir.
Bəli, insanın abrını aparan əməllərdən biri də töhmət və böhtandır.
İmam Sadiq (ə) buyurur: "Əgər kimsə möminin əleyhinə söz deyərsə və niyyət onun simasını çirkin etmək və ictimai mövqeyini aradan aparmaq olarsa, onu insanların gözündən salmaq istəyərsə - Allah onu Öz dostluq mehvərindən xaric edər və şeytanın rəhbərliyi altında qərar verər. Şeytan da onu qəbul etməz".
O kəsin ki, məada inamı vardır, heç bir zaman başqasına töhmət vurmaz. Hətta əgər insanın dini belə olmasa, insanlıq təbiəti ona bu işi görməyə icazə verməz. Məgər o halda ki, insanlıq cildindən çıxıb, heyvanlıq cildinə girərsə.
İmam Sadiq (ə) buyurur: "O zaman ki, mömin, mömin qardaşına töhmət vurar - iman qəlbində əriyər necə ki, duz suda əriyər". (Beytutə)
Uca Allah bu mənfur işlərdən bizi uzaq etsin!
Oxu24.com
ŞƏRHLƏR