Qeyri-adi meyvə tərəvəz yetişdirməyə marağı olan Zaqatala sakini bu dəfədə bostanında əkdiyi qara pomidorla görənləri təəccübləndirib. O, Ukraynadan gətirdiyi sortu öz bağında yerli iqlimə uyğunlaşdırıb.

Tərəvəzçiliyə maragı olan Zaqatala sakini qeyri-adi tərəvəzlər yetişdirir. O, bağında hətta qara pomidor da əkib.

Oxu24.com xezerxeber.az-a istinadən bildirir ki, ixtisasca aqronom olan Aydın Sulxayev gənclik illərində müxtəlif fərqli sahələrdə çalışdığından,öz sevdiyi peşəsi ilə ahıl yaşlarında məşğul olmaga başlayıb. Yuxarı Tala kəndində yerləşən bağ evinin həyətində yüzlərlə bitki becərən həmsöhbətimiz daha çox qeyri adi güllər, meyvə və tərəvəzlər əldə edir. Elə qara pomidorun toxumunu daUkrainalı bir dostundan alıb və yerli şəraitdə yetişdirib.

Rayon sakini bildirir ki, bu qeyri-adi pomidor geni dəyişdirilmiş deyil. Yəni, selleksiya üsulu ilə əldə edilib. Oxu24.com