“Bəyanatda bir müddəa var, Ermənistan əsgərləri bölgələri tərk etməlidir. Aydın olur ki, onlar buna tam əməl etməyiblər. Müharibədən sonra Hadrut yaxınlığında olan əməliyyatda 160 nəfərdən ibarət düşmən dəstəsi ələ keçirildi. Onlar orada olduqca, təxribatlar törətdikcə heç bir sülhdən danışa bilmərik”.

Savash.org xəbər verir ki, bu sözləri siyasi şərhçi Elxan Şahinoğlu açıqlamasında deyib. O bildirib ki, belə təxribatları dayandırmaq üçün həmin ərazilərdə türk hərbçilər də olmalıdır:

Elxan Şahinoğlu: “İran nüvə silahı əldə etmək istəmir”

“Əsasən də Laçın dəhlizində türk hərbçiləri dayanmalıdır. Oraya nəzarət mütləqdir ki, hər hansı qeyri-qanuni keçidlər, yük daşınmaları həyata keçirilməsin. Ağdamda birgə monitorinq mərkəzi yaradılması ilə yanaşı, birgə patrul xidmətinin olması da vacibdir. Bu, həmin terrorçulara psixoloji təzyiq vasitəsi də olacaq. Patrul xidməti həm Laçın dəhlizində, həm də Xankəndi yolunda olmalıdır. Biz təhlükəsizliyimiz təmin olunmaqla, Şuşaya qısa yoldan getməliyik”.