Erməni generalı, Ermənistan Respublika Partiyasından keçmiş millət vəkili Manvel Qriqoryan ölüb.

Oxu24.com xəbər  verir  ki, bu barədə partiyanın  üzvü Karen Avagyan sosial  səhifəsində məlumat verib.

Qriqoryan 7 oktyabrdan bəri Dağlıq Qarabağda idi.. Lakin 20 oktyabrda vəziyyəti kəskin pisləşib  və həkimlərin istəyi ilə təcili olaraq Ermənistana aparılmışdı.Onun ürəyinin dayandığı bildirilir.

Xatırladaq ki, general Manvel Qriqoryan Cəbrayıl və Füzulini işğal etmiş Ermənistan ordusunun 5-ci briqadasına rəhbərlik edirdi. Füzuli bölgəsini torpağa talan edən və azərbaycanlı əsirlərə  qarşı xüsusi amansızlıqla tanınırdı.

Qeyd edək ki, Manvel Qriqoryan Azərbaycan torpaqlarının qanlı işğalının fəal iştirakçılarındandır. O, Qarabağ müharibəsində əsir götürdükləri yüzlərlə azərbaycanlıdan birini dörd il evində qul kimi saxladığını etiraf edib. M.Qriqoryanın dəstəsi Dağlıq Qarabağda azərbaycanlı mülki şəxslərə qarşı xüsusi qəddarlığı ilə seçilib. O, Ermənistan silahlı qüvvələrinin hərbçisi kimi işğal altında olan Dağlıq Qarabağ bölgəsində müxtəlif hərbi hissələrdə komandirlik edib, Ermənistan ordusunda korpus komandiri işləyib. 1996-cı ildə general-mayor, 2000-ci ildə general-leytenant ali hərbi rütbəsi alıb. 2000-2008-ci illərdə müdafiə nazirinin müavini postunu tutub. 2012 və 2017-ci illərdə Ermənistan Respublika Partiyasının proporsional siyahısından parlamentin deputatı seçilib.