Ölkəsində illərdir vətəndaş müharibəsi aparan, minlərlə insanın ölümünə və qaçqın düşməsinə səbəb olan Suriya prezidenti Bəşər Əsəd Ermənistan-Azərbaycan münaqişəsi ilə bağlı açıqlama verib.

Publika.az-ın məlumatına görə, Rusiyanın RİA “Novosti” nəşrinə danışan Əsəd birbaşa Türkiyə prezidenti Rəcəb Tayyib Ərdoğanı hədəf alıb.

O, Ermənistanın ordusunun Azərbaycanın dinc əhalisinə və mülki yaşayış məntəqələrinə hücumuna laqeyd münasibət göstərərək Türkiyəni münaqişəyə müdaxilə etməkdə günahlandırıb.

Qeyd edək ki, Azərbaycan ordusunun hücumları nəticəsində böyük itkilər verən Ermənistan canlı qüvvə baxımından qıtlıq yaşamaqdadır. Çatışmazlığını ört-basdır etməyə çalışan işğalçı ordu Yaxın Şərqdən, xüsusilə, Suriyadan PKK/YPG terrorçularını Dağlıq Qarabağ gətirərək döyüşməyə məcbur edir.