“Paytaxtdan virusun rayonlara daşınması qaçınılmazdır. Rayonlara gediş-gəliş müzakirə olunur”.

Oxu24.com xəbər verir ki, bu sözləri bunu Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın bugünkü brifinqində deyib.

Vətəndaşların koronavirus testi verməklə rayonlara getməsinin mümkün olub-olmadığına toxunan Hikmət Hacıyev qeyd edib:

“Vətəndaşlarımızın rayonlara test verməklə getməsi xeyli sayda test tələb edir və bu testlər vətəndaşların özlərinin büdcəsi ilə verilir.

Eyni zamanda onlar hər gediş-gəliş zamanı bu testləri verməlidirlər. Lakin bütün bu hallar müzakirə olunur və sanitar epidemioloji göstəricilərə görə qərarlar qəbul ediləcək”.