Ümumdünya Səhiyyə Təşkilatı (ÜST) koronavirusla bağlı son məlumatları paylaşıb.

Redaktor.az xəbər verir ki, ÜST son 24 saatın koronavirusun mövcudluğu dönəmində ən qorxunc gün olduğunü bildirib.  183 min 20 pozitiv nəticə ilə rekord olan yoluxmanın əsas hissəsi Cənubi və Şimali Amerikanın payına düşüb. Bu bölgədə ümumilikdə 116 mindən çox yoluxmanın qeydə alındığı bildirilib.  

Rəsmi məlumatlara görə, 50 mindən çox yoluxmanın aşkar edildiyi ölkələrə Braziliya, ABŞ və Hindistan daxildir. 

Con Hopkins Universitetinin rəsmi mənbələrdən əldə etdiyi məlumatlara görə isə, dünyada koronavirusa yoluxanların sayı 8,9 milyonu keçib. 466 min 548-dən çox ölüm qeydə alınıb.

Epidemiyanın başladığı ölkə - Çində də yoluxmalar davam edir. İkinci dalğanın başladığı 11 iyundan bu günə qədər 236 yeni yoluxma müəyyən edilib. 

Koronavirusun yayılmasından ən çoz əziyyət çəkən 10 ölkənin siyahısı isə belədir:

ABŞ: 2,278,373

Braziliya: 1,083,341

Rusiya: 583,879

Hindistan: 410,461

Birləşmiş Krallıq: 305,803

Peru: 251.338

İspaniya: 246,272

Çili: 242,355

İtaliya: 238,499

İran: 204,952