38 yaşlı Lənkəran sakini traktorun altında qalaraq dünyasını dəyişib.
APA TV-nin cənub bürosunun verdiyi məlumata görə, rayonun Liman şəhəri ərazisində, Boladi kənd sakini 1982-ci il təvəllüdlü Famil Musayev ehtiyatsızlıqdan həmkəndlisi, Mikayıl Məlikzadənin idarə etdiyi qoşqulu traktorun təkəri altında qalıb.
Nəticədə o, hadisə yerində dünyasını dəyişib.
Famil Musayevin meyiti Məhkəmə-Tibbi Ekspertiza və Patoloji Anatomiya Birliyinin Lənkəran Şöbəsinə təhvil verilib. Bədbəxt hadisənin hansı şəraitdə baş verdiyi hələlik dəqiq məlum deyil.
Faktla bağlı araşdırma aparılır.
Oxu24.com
ŞƏRHLƏR