Bu gecə Azərbaycanda Ramazan ayının ikinci Qədr (Əhya) gecəsi olacaq.
Qafqaz Müsəlmanları İdarəsindən Oxu24.com-a verilən məlumata görə, Ramazan ayının ilk Qədr gecəsi Ramazanın 18-ci gününə, yəni mayın 12-dən 13-nə keçən gecəyə təsadüf edib. Bu gün - Ramazanın 20-ci günü Qədr gecəsinin ikinci, Ramazanın 22-ci günü - mayın 16-da isə üçüncü gecəsi olacaq.
Qeyd edək ki, Ramazanın 26-cı gününün axşamı - mayın 20-dən 21-nə keçən gecə də Qədr gecəsi olacaq.
Xatırladaq ki, bu il Azərbaycanda Ramazan ayı aprelin 25-də başlayıb. Mayın 24-ü Ramazan (Fitr) bayramıdır.
Qədr gecəsi hər cür dua oxuna bilər. İnsan həm özünə, həm ailəsinə, həm ölkəsinə, həm də dünyadakı bütün müsəlman qaradaş və bacılarına duada yer ayırmalıdır. Ancaq bu gecə ilə əlaqəli Allah Rəsulundan rəvayət olunan dua bu şəkildədir:
“Allahumma innəkə afuvvun tuhibbul avfa fafuanni”
“Allahım! Sən əvf edib bağışlayıcısan. Əfv etməyi sevirsən. Məni də bağışla.”
Daha ətraflı dini xadim Hacı Şahinin çıxışını təqdim edirik:
Oxu24.com
ŞƏRHLƏR