Türkiyədə küçəyə çıxan şəxslərin tibbi maska taxması məcburiləşdirilib.

Oxu24.com Türkiyə mətbuatına istinadla xəbər verir ki, Türkiyənin on vilayətində tibbi maskanın taxılması məcburi hala gətirilib.

Türkiyənin Adıyaman, Afyonkarahisar, Aydın, Balıkesir, Bartın, Denizli, Düzce, Kastamonu, Muğla və Uşak vilayətlərində küçədə gəzərkən maska taxmayan şəxslərə qarşı cərimələr tətbiq olunacaq.

Gaziantep, İzmir, Adana kimi iri şəhərlərdə isə insanların çox olduğu ərazilərə maskasız daxil olmaq qadağan edilib.

Qeyd edək ki, Ramazan bayramı ərəfəsində Türkiyədə küçəyə çıxmağın qadağan edilməsi məsələsi müzakirə olunur.

Ümumdünya Səhiyyə Təşkilatının bugünkü statistikasına əsasən, Türkiyədə 3952 nəfər koronavirus səbəbi ilə dünyasını dəyişib.