Qaxda beş nəfərin xəsarət alması ilə nəticələnən yol qəzası baş verib.

APA TV-nin məlumatına görə, hadisə rayonun Cəlayir kəndi ərazisində baş verib.   

Balakən rayon sakini 29 yaşlı Tural Eminovun idarə etdiyi “Mercedes” markalı avtomobillə Zaqatala sakini 33 yaşlı Nail Daşdəmirova məxsus “VAZ 21099” toqquşub.

Qəza nəticəsində sürücü Tural Eminov, onun anası 49 yaşlı İntizar Eminova, eləcə də digər sürücü Nail Daşdəmirova və sərnişinləri - 44 yaşlı Xuraman Qarakişiyeva və onun qızı 23 yaşlı Raisa Zeynalova müxtəlif dərəcəli bədən xəsarətləri alıblar. 

Yaralılar Qax rayon Mərkəzi Xəstəxanasına yerləşdirilib. Onlardan Nail Daşdəmirovun xəsarəti yüngül olduğundan o, ambulator müalicə almaq şərti ilə evə buraxılıb. 

Qəzanın güclü yağan yağış və yüksək surət səbəbindən baş verdiyi ehtimal olunur.

Faktla bağlı araşdırma aparılır.