Bakı, 9 may, SalamNews. Rus hərbi kəşfiyyatı ilə əlaqəli olduqları ehtimal edilən hakerlər Almaniya kansleri Angela Merkelin qəbul otağına aid elektron məktublara çıxış əldə ediblər.

Publika.az xəbər verir ki, bu barədə 8 may tarixində “Spiegel” məlumat yayıb. “Scaramouche” təxəllüslü haker Merkelin ofisindəki kompüterə düz 5 il öncə – 2015-ci ilin 8 may tarixində çıxış əldə edib.

Mətbu orqanın məlumatına görə, haker təqribən 16 Gb həcmində məlumata yiyələnib. Bu, əsasən 2012-2015-ci illər ərzində Merkelin qəbul otağından göndərilmiş və ya daxil olmuş elektron məktublardır.

Məlumatın surətinin çıxarıldığı istisna edilmir.