Bakının Nəsimi rayonunda iki avtomobil toqquşub.

APA TV xəbər verir ki, hadisə Füzuli küçəsi ilə Bülbül prospektinin kəsişməsində baş verib.

"Kia" markalı avtomobilin sürücüsü idarəetməni itirib və avtomobilini işıqforun qırmızı işığında dayanan "Toyota"ya çırpıb.

"Kia" deformasiyaya uğrayıb, hadisə yerinə polis əməkdaşları cəlb edilib.

Faktla bağlı araşdırma aparılır.