Azərbaycanda koronovirusa qarşı ciddi tədbirlər görülməsinə baxmayaraq təəssüf ki, virusa yoluxanların sayı artmaqdadır.
Oxu24.com xəbər verir ki, tanınmış biznes lady Mətanət Süleymanzadə koronovirus şübhəsi ilə həkimə müraciət edib.
Bu barədə saytımıza açıqlama verən Mak marin LTD şirkətinin rəhbəri, iş xanımı bildirib ki, bir neçə gündür ki, səhhətində ciddi problemlər yaşanır.
"Yüksək hərarətdən,öskürəkdən və halsızlıqdan əziyyət çəkirəm.Ağciyərim rentgen olundu. Həkimlər boğazımdan, burnumdan nümunələr götürdü. Koronovirusa yoluxub, yoluxmadığım haqda dəqiq cavablar sabah bilənəcək."
İş xanımı cəmiyyətə müraciət edib.
"Əziz həmvətənlər, evdə qalın,Dövlətin qoyduğu qaydalara riayət edin. Görülən işlər hamısı bizim sağlamlığımız üçündür. Biz evdə qalıb özümüzü qorusaq virus daha tez məhv olacaq."
Qeyd edək ki, ölkəmizdə ümumilikdə 298 koronavirus infeksiyasına yoluxma faktı qeydə alınıb. Onlardan 26 nəfər müalicə olunaraq sağalıb, 5 nəfər vəfat edib. Hazırda 267 nəfərin xüsusi rejimli xəstəxanalarda müalicəsi davam etdirilir.
Onlardan 11 nəfərin vəziyyəti ağır, 15 nəfərin vəziyyəti isə orta ağırdır. Müxtəlif karantin zonalarına yerləşdirilən 4602 nəfərin müayinəsi ilə bağlı müvafiq tədbirlər həyata keçirilir.
Oxu24.com
ŞƏRHLƏR