Hacıqabul rayonunda bədbəxt hadisə baş verib.

“Report”un Aran bürosu xəbər verir ki, hadisə bu gün axşam saatlarında Hacıqabul şəhərinin Bakı küçəsində qeydə alınıb.

Belə ki, rayon sakini, 1975-ci il təvəllüdlü Məmmədov Rövşən Oqtay oğlu evə gedən zaman başına dəmir parçası düşüb.

Nəticədə açıq kəllə-beyin travması alan R. Məmmədov Şirvan Şəhər Mərkəzi Xəstəxanasının reanimasiya şöbəsinə yerləşdirilib.

Faktla bağlı araşdırma aparılır.