İmişlidə qətl hadisəsi baş verib
Oxu24.com -un məlumatına görə, rayon sakini Quliyev Emin Elsevən oğlu həmyerlisi Əzizov Zaur Mikayıl oğlunu qətlə yetirib.
3 gün əvvəl - yanvarın 7-də polisə rayonun Ağamalılar kəndi ərazisindən keçən Kür çayına avtomobil düşdüyü barədə məlumat daxil olub. Hadisə yerinə gələn polis çaya düşən “QAZ 3110” markalı 90 DX 310 dövlət nömrə nişanlı avtomobil İmişli sakini, 1981-ci il təvəllüdlü, Əzizov Zaur Mikayıl oğluna məxsus olduğunu dəqiqləşdirib.
İstintaq zamanı müəyyən edilib ki, yanvarın 7-də Əzizov Zaur Mikayıl oğlu tanışı - İmişli sakini, 1994-cü il təvəllüdlü Quliyev Emin Elsevən oğlunu 1000 manata görə yaranmış mübahisə zəminində bıçaqla bir-neçə dəfə vurub. Bıçağı ələ keçirən Emin Quliyev isə onun qarın və baş nahiyəsinə bir neçə zərbə endirib. Vurduğu adamın ölmədiyini görən gənc yaralının üstündən maşınla keçərək öldürüb və meyitini atla sürüyərək kolluğa atıb. Avtomobili isə 1 kilometr aralıda Kür çayına tullayıb. Zaur Əliyevin meyiti tapılaraq, müayinə olunmaq üçün İmişli morquna təhvil verilib.
Faktla bağlı cinayət işi başlanıb, araşdırma aparılır.
Oxu24.com
ŞƏRHLƏR