Bakıda narkotik alverçisi ələ keçib.

Oxu24.com -un  Daxili İşlər Nazirliyinin (DİN) mətbuat xidmətinə istinadən məlumatına görə, Binəqədi polisinin keçirdiyi əməliyyat nəticəsində Binəqədi qəsəbə sakini Hüseyn Bilalov saxlanılıb.

Saxlanılan şəxsin üzərindən  0,358, yaşadığı ünvanda aparılan axtarış zamanı həyətdəki yarımtikilidən isə 1 kiloqram 510 qram heroin aşkar olunub.

43-cü Polis Bölməsinə gətirilən H.Bilalovun oğurluq etdiyi də məlum olub. O, yaşadığı rayon ərazisində 1 evdən və 7 maketdən pul, tütün məmulatları, kombi aparatı, mobil telefonlar oğurlayıb. 

H.Bilalovun marketlərdən necə oğurluq etdiyi həmin obyektlərin təhlükəsizlik kameralarına düşüb.

Faktlarla bağlı cinayət işi başlanıb.