Xəbər verdiyimiz kimi saat 12:35-da Təcili Tibbi Yardıma Bakı Dövlət Universitetinin yataqxanasında yaşayan tələbələrin zəhərlənməsi ilə bağlı müraciət daxil olub. Huşsuz vəziyyətdə üç tələbə qız aşkarlanıb. Təcili Tibbi Yardım həkimlərinin bildirdiyinə görə, huşsuz vəziyyətdə tapılan qızların ağızlarından qan gəlib. Tələbələrdən birinin öldüyü, digərlərinin xəstəxanaya yerləşdirildiyi bilinir.
Hadisə ilə bağlı fakt təsdiqlənib. Bildirilir ki, xəstələrin müayinəsi davam edir.

Tələbə qızların zəhərlənməsi ilə bağlı əldə edilən son məlumatlarda qızların balıq konservindən zəhərləndiyi deyilir. Bu barədə qızlardan birinin əmisi məlumat verib.

Oxu24.com