Ucarda yol-nəqliyyat hadisəsi baş verib.

APA-nın yerli bürosunun xəbərinə görə, hadisə bu gün rayonun Azərbaycan küçəsində qeydə alınıb. "VAZ-2107" markalı iki minik maşınının toqquşması nəticəsində Ucar rayonunun Qazyan kənd sakinləri - 1938-ci il təvəllüdlü Sabir Məhəmməd oğlu Şirəliyev, 1954-cü il təvəllüdlü Dilavər Məhəmmədəli oğlu Allahverdiyev və rayonun Şalıq kənd sakini, 1984-cü il təvəllüdlü Nurlan Tahir oğlu Cavadov müxtəlif xəsarətlərlə Ucar Mərkəzi Rayon Xəstəxanasına yerləşdiriliblər.  

Faktla bağlı araşdırma aparılır.

Oxu24.com