Oxu24.com yerli mediaya istinadən xəbər verir ki, Baş nazir Nikol Paşinyanın gizli tapşırığı ilə nazirlərin, nazir müavinlərinin və nazirliklərin baş katiblərinin maaşları xeyli artırılıb. Sifarişin iyul ayında verildiyi deyilir.

Gizli əmrlə bağlı məlumatları yoxlamaq üçün əvvəlcə üç nazirliyə yazılı sorğu göndərilib. Məlum olub ki, son 4 aydakı artıma görə, fövqəladə hallar naziri Feliks Çolakyan, ətraf mühit naziri Erik Qriqoryan ayda 1,5 milyon dram maaş alır.

Qeyd edək ki, dövlət məmurlarının əmək haqqının miqdarı qanunla müəyyən edilir. Bu baxımdan qanuna heç bir dəyişiklik etmədən Baş nazirin gizli göstərişinə əsasən maaşların iki qat artması ciddi suallar doğurur.

Baş nazir Nikol Paşinyandan yazılı şəkildə prosesin niyə gizli şəkildə aparıldığı soruşulub.

Baş nazir Aparatının İnformasiya və İctimaiyyətlə Əlaqələr Şöbəsinin müdiri vəzifəsini icra edən Armen Xaçatryanın cavabı isə belə olub:

“Qaldırılan məsələ qeyd edildiyi kimi, gizli şəkildə həyata keçirildiyi üçün bu cür məlumatlar açıqlanmır”. Oxu24.com