![](https://oxu24.com/uploads/posts/2019-05/medium/1556906276_752006.jpg)
Oxu24.com medicina.az-a istinadən gənclik təravətini qorumaq üçün hər gün istifadə edəcəyiniz qidaların onluğunu təqdim edir:
1. Dəniz məhsulları
Gözəllik mənbəyi Omega 3-6 turşuları bu məhsullardadır. Ayda, ildə bir dəfə balıq, kütüm yeməklə, dəniz məhsulu yediyinizi düşünməyin. Siz ən müxtəlif balıq növləri, kilkə, dəniz ilbizi, midiya, xərçəng, krab kimi məhsulları da yeməlisiz ki, dərinin turqoru artsın, rəngi yaxşılaşsın, təmiz olsun.
2.C vitaminli pomidor, bolqar bibəri, portağal, narıngi, duzlu kələm
Bu vitamin güclü antioksidantdır, kollagenin sintezini artırır.
3.Yaşıl və narıncı rəngdə tərəvəzlər
Kök, bibər, balqabaq, ispanaq, avokado, göyərti beta karotin hüceyrələrin yenilənməsi üçün lazımdır. Bu qidalar A vitamini ilə zəngindir. Gündəlik menyunuzda belə tərəvəzlərdən salatlar daxil edin.
4.Zeytun yağı
E vitamini ilə zəngin güclü antioksidantdır. Təmiz, orqanik zeytun yağı əldə edib, onu hər gün bir qaşıq için, dərinizə sürtün, kremlərə, losyonlara əlavə edin.
5.Yağsız kəsmik, yoqurt
Selen və E vitamini ilə zəngindir, üz dərisini qocaldan sərbəst radikalları məhv edir.
6. Qaraciyər
Mal qaraciyəri PP vitamini ilə zəngindir, o çatışmadıqda saçlar və dəridə qabıqlanma, quruluq, cansızlıq olur.
PP həm də göbələklərdə, pivə mayasında var.
7.Reyhan
Gözləri gücləndirir, metobolizmi yaxşılaşdırır, dərini ətirləndirir. Reyhandan özünüz kosmetik losyon hazırlayıb, dərinizi silə bilərsiniz.
8. Banan
Əzələləri möhkəmlədir, maqnezium mənbəyidir, dərini ağardır, su balansını bərpa edir. Üz, əl, boyun dərinizə banan qabığı çəkməyi sınayın.
9.Üzüm
Bütün yaşlanma əleyhinə kremlərin tərkibində var. Dərini qoruyur, qidalandırır, hamarlayır, qırışlara qarşıdır, radiasiyadan qoruyur, cavanlaşdırır. Gözəlliyiniz üçün harda üzüm gördünüz yeyin, üzünüzə maska edin.
10.Ən yaxşı mineral su
Yaşadığınız yerdə ən yaxşı, təmiz, qazsız, mineral mədən suyu hansıdırsa, o suyu əldə edib içməyi gündəlik rejiminizə daxil edin. Günə 2 litr keyfiyyətli su içməlisiz. Qaynanmış suyun gözəllik və sağlamlığa faydası yoxdur. Oxu24.com
ŞƏRHLƏR