Bakı 28°C
USD - 1.7010
EUR - 1.9120
RUB - 0.026
126878
az

8 Avropa ölkəsindən Gürcüstana çağırış: görün nə tələb edirlər

22:0029 Dekabr, 2024
80
SİYASƏT
  • A

Şimali və Baltikyanı ölkələr Gürcüstanı təkrar parlament seçkiləri keçirməyə çağırıb.

OXU24.COM  xəbər verir ki, Danimarka, Norveç, Finlandiya, Litva, Latviya, Estoniya, İsveç və İslandiyanın xarici işlər nazirləri adından Tbilisiyə ünvanlanmış bəyanatı Litva XİN dərc edib.

Sənəddə səkkiz Avropa ölkəsi Gürcüstan hakimiyyətinin etirazçılara, siyasətçilərə və media nümayəndələrinə qarşı zorakılığını, habelə keçmiş prezident Salome Zurabişviliyə qarşı təhdidlərini pisləyib, respublikadakı vəziyyətdən narahatlığını bildirib və parlament seçkilərində qeydə alınan qanun pozuntularının araşdırılmasına yenidən çağırıb.

“Biz Gürcüstan hakimiyyətini Avropada Təhlükəsizlik və Əməkdaşlıq Təşkilatının tövsiyələrinə əməl etməyə və bu tövsiyələrə uyğun olaraq yeni parlament seçkilərinin keçirilməsini nəzərdən keçirməyə çağırırıq”, - bəyanatda deyilir.

Oktyabrın 26-da Gürcüstanın ali qanunverici orqanına seçkilər keçirilib. Səsvermə nəticəsində hakim “Gürcü Arzusu” partiyası parlamentdəki 150 yerdən 89-nu qazanaraq qalib gəlib, bir sıra müxalif siyasi birliklər seçkinin nəticələrini tanımayıb, “Dəyişiklik Koalisiyasının” üzvləri isə hətta deputat mandatlarından imtina ediblər. Bunun fonunda Gürcüstan prezidenti Salome Zurabişvili səsvermə pozuntuları ilə bağlı Konstitusiya Məhkəməsinə müraciət edib. O, həmçinin seçkinin nəticələri ilə bağlı etirazlara çağırıb, bundan sonra ölkə boyu mitinqlər başlayıb.

Oxu24.com

ŞƏRHLƏR

BÖLMƏNİN ÇOX OXUNANLARI

Tramp bütün dövlət qurumlarında bu şöbəni BAĞLADI
Rusiyaya və Putinə böyük bir yaxşılıq etmək niyyətindəyəm - Tramp
Zelenskidən Trampa təbrik mesajı: Ümid günüdür...