İspaniyalı məşhur müdafiəçi Serxio Ramos gələcəyi ilə bağlı qərarını verib.

Oxu24.com  xəbər verir ki, 38 yaşlı futbolçu "Boka Xuniors"a keçməkdən imtina edib.

Argentina təmsilçisi 38 yaşlı oyunçunu qışda transfer etməyi ciddi şəkildə düşünürdü. Komandanın baş məşqçisi Fernando Qaqo Serxionun keçidini reallaşdıra biləcəklərindən əmin idi. Lakin hazırda azad agent olan Ramos "Boka Xuniors"a rədd cavabı verib.

Xatırladaq ki, Ramosun son klubu “Sevilya” olub. O, bu yay La Liqa təmsilçisindən ayrılıb. Futbolçu karyerası ərzində "Real" və PSJ-də də oynayıb.