Türkiyə kəşfiyyatı Ankarada törədilən terror aktından sonra Kürdüstan Fəhlə Partiyasının (PKK) 213 silahlısını məhv edib.

Oxu24.com  xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra bildirib.

PKK-nın Türkiyədə qadağan edildiyi və eyni zamanda terror təşkilatı kimi tanındığı məlumdur. Bütün hədəflər Suriya və İraqın şimalında olub. Məhv edilmiş hədəflərin ümumi sayı 470 olub.

“Terror aktından sonra terror təşkilatının (İraq və Suriyada) 470 hədəfinə zərbə endirilib, 213 terrorçu məhv edilib”, - Ərdoğan bildirib.

Onun sözlərinə görə, Türkiyə terrorla qətiyyətlə mübarizəyə davam edəcək.

Oktyabrın 23-də Ankarada TUSAŞ aerokosmik şirkətinin yaxınlığında, girişlərdən birində partlayış baş verib. Şirkət Kaan beşinci nəsil döyüş təyyarələrini, eləcə də hücum dronlarını hazırlayır. Bundan əlavə, mühəndislər F-16 döyüş təyyarələrini təkmilləşdirirlər. Hücum edənlər məhv edilib.

Oktyabrın 25-də İstanbulda 35 PKK tərəfdarı zorakılıq aktları hazırlamaqda şübhəli bilinərək saxlanılıb.

Miri