Afrika Birliyinin Xəstəliklərə Nəzarət və Qarşısının Alınması Mərkəzi (Africa CDC) bir neçə gün ərzində Konqo Demokratik Respublikasında (KDR) və qitənin digər ölkələrində meymun çiçəyi virusuna qarşı peyvənd tədqiqatlarına başlayacağını açıqlayıb.

"Cebheinfo.az"-ın  "Africa News" internet saytına istinadən xəbərinə görə, Africa CDC bir neçə gün ərzində meymunçiçəyi hadisələrinin ən çox yayıldığı KDR başda olmaqla Afrika ölkələrində peyvənd işlərinə başlayacaq.

Avropa İttifaqının (Aİ) biotexnologiya şirkəti Bavaria Nordic ABŞ və Yaponiyanın peyvənd tədarükü mövzusunda öhdəlik götürməsinin ardından şərh edən Afrika CDC, qısa müddətdə peyvənd dozalarını alacaqlarını deyib.

Afrika CDC-nin baş direktoru Jean Kaseya da peyvəndlərin təhlükəsiz saxlanmasının və düzgün idarə edilməsinin son dərəcə vacib olduğunu bildirib.

Kaseya qeyd edib ki, vaksinlərin paylanmasını asanlaşdırmaq üçün meymunçiçəyi aşkar edilən ölkələrlə logistika və kommunikasiya strategiyaları üzərində işləyirlər.

Bu il Afrikada təqribən 19 min meymunçiçəyinə yoluxma olub ki, bunların da əksəriyyəti KDR-də görülüb.

Burundi, Mərkəzi Afrika Respublikası, Konqo, Kamerun, Qana, Liberiya, Nigeriya, Ruanda, Keniya, Fil Dişi Sahili və Cənubi Afrika virusun müşahidə olunduğu ölkələr sırasındadır.