Beynəlxalq Atom Enerjisi Agentliyinin (BAEA) direktoru Rafael Qrossi hesab edir ki, Rosatom-a qarşı sanksiyaların tətbiqi qlobal nüvə təhlükəsizliyinə mənfi təsir göstərəcək.

Oxu24.com xəbər verir  ki, O, bu barədə “Ukrinform”a müsahibəsində bildirib.

"Rosatom-a qarşı sanksiyaların "düzgün" tətbiqi belə nüvə təhlükəsizliyi baxımından mənfi nəticələrə səbəb ola bilər, çünki onlar bir çox ölkələrdə yanacaq və xidmətlər göstərirlər",-deyə  Qrossi bildirib.

O əlavə edib ki, Rusiya nüvə şirkəti “Ukrayna tərəfinin xoşuna gəlsə də, istəməsə də” nüvə reaktorlarının ən böyük tədarükçüsüdür.

Bundan əvvəl Qrossi ABŞ-ın Rusiya Federasiyasından uran idxalına qadağa tətbiq edə biləcəyinə şübhə edirdi.

O xatırladıb ki, Rusiya şirkətləri böyük ölçüdə beynəlxalq yanacaq tədarükü zəncirinin strukturuna daxildir.

MAQATE rəhbəri həmçinin Rusiyanı aparıcı nüvə dövləti adlandırıb və agentliyin bu ölkə ilə əməkdaşlığı davam etdirəcəyini vurğulayıb.

Daha əvvəl MAQATE Zaporojya AES-ə hücumlara görə məsuliyyət daşıyanların adını niyə çəkmədiklərini izah etmişdi.

Nigar