Noyabr seçkiləri ərəfəsində ABŞ-ın keçmiş prezidenti Donald Tramp 2021-ci ildə onu tərk edən əsas donorların dəstəyini geri qaytara bilib. 

Oxu24.com xəbər verir ki, Tramp 2024-cü ildə prezident seçkilərinə qatıldı və vəziyyət dəyişdi.

Belə ki, 2021-ci ildə yanvar hadisələrindən sonra Trampa arxa çevirən maliyyəçilər onun tərəfinə qayıtdılar. Onların arasında Amerikanın “Blackstone” investisiya şirkətinin rəhbəri milyarder Stiv Şvartsman və otel maqnatı Miriam Adelson da var.

Bundan əlavə, iyunun 13-də ABŞ-ın keçmiş prezidenti Vaşinqtonda bəzi iri Amerika korporasiyalarının rəhbərləri ilə görüşməyi planlaşdırır. İclasın 100 iştirakçısı arasında "JPMorgan Chase", "Citigroup" və "Bank of America" banklarının rəhbərləri Ceymi Dimon, Ceyms Freyzer və Brayan Moynihan ola bilər.

ABŞ milyarderlərinin Trampı dəstəkləməyə hazır olmasının mühüm səbəblərindən biri onun vergilərə yanaşmasıdır. Respublikaçı vergiləri zəngin amerikalılar üçün aşağı salacağını vəd edib, indiki prezident Co Bayden isə əksinə, varlı vətəndaşlar üçün vergilərin artırılmasının tərəfdarıdır.

Yeganə

Mənbə: Bloomberg.com