Semafor qəzeti Bayden administrasiyasının yüksək vəzifəli rəsmisinə istinadən xəbər verir ki, ABŞ prezidenti Co Bayden administrasiyası nüvə silahı strategiyasını sərtləşdirir.

Oxu24.com xarici mediaya istinadən xəbər verir ki, xüsusilə, yeni qravitasiya bombasının hazırlanması, həmçinin “Ohayo” sinifli bir sıra nüvə sualtı qayıqlarının xidmət müddətinin uzadılması qərara alınıb.

Ağ Evin həmsöhbəti qeyd edib: "Co Bayden administrasiyası həmçinin yaranan nüvə təhlükələri qarşısında ABŞ nüvə qüvvələrinin gələcək təkamülünü nəzərdən keçirir və əsas müttəfiqlərin özlərini müdafiə etmək üçün lazım olan uzun mənzilli zərbə və nəzarət imkanlarına malik olmasını təmin etməyə çalışır".

"Bayden administrasiyası hələ də geosiyasi rəqiblərini danışıqlar masasına gətirməyə ümid edir, lakin göstərmək istəyir ki, Rusiya və Çin əməkdaşlıqdan imtina etsələr, təhlükəsizlik mühitinin pisləşməsi ilə üzləşəcəklər”, - deyə ABŞ rəsmisi bildirib.

Mənbə: Apnews.com

Yeganə