Almaniya kansleri Olaf Şolz Hindistanın baş naziri Narendra Modini təmsil etdiyi Hindistan Xalq Partiyasının (BDP) parlament seçkilərində qazandığı qələbə münasibətilə təbrik edib və Berlin və Yeni Dehli arasında əməkdaşlığın əvvəlki kimi uğurla davam edəcəyinə əminliyini bildirib.

Oxu24.com xəbər verir ki,Bu barədə Almaniya Nazirlər Kabinetinin mətbuat xidməti məlumat yayıb.

“Ölkələrimiz onilliklər ərzində strateji tərəfdaşdırlar. Biz Almaniya-Hindistan münasibətlərinin dərinləşdirilməsi, eləcə də beynəlxalq və qlobal məsələlər üzrə əməkdaşlığımızı uğurla davam etdirəcəyik”, - təbrikin mətnində qeyd olunur.

İyunun 5-də Rusiya prezidenti Vladimir Putin Modi ilə telefonla danışıb və onu partiyasının parlament seçkilərindəki qələbəsi münasibətilə təbrik edib.

İyunun 4-də Modinin partiyasının rəhbərlik etdiyi Milli Demokratik Alyansın ölkədə keçirilən ümumi seçkilərdə parlament çoxluğunu qazandığı məlum olub.

Bundan sonra siyasətçi iyunun 8-də and içmək və ardıcıl üçüncü dəfə ölkə hökumətinə rəhbərlik etmək üçün istefa verib.

Hindistanın baş naziri bundan əvvəl öz ilahi taleyindən danışıb.

Nigar