Amerika hakimiyyəti Gürcüstandakı xarici agentlər haqqında qanunun qəbulunun respublikanın Avropaya inteqrasiyasına mane olacağına inanır.

Oxu24.com  xəbər verir ki, bunu ABŞ Dövlət Departamentinin mətbuat xidmətinin rəhbəri Metyu Miller keçirdiyi mətbuat konfransında deyib.

"ABŞ bu addımı pisləyir",-deyə o bildirib.

Millerin fikrincə, sənədin qəbulu Gürcüstanı Avropaya inteqrasiya yolundan uzaqlaşdırıb. O, hakim “Gürcü arzusu” partiyasının “gürcü xalqının Avro-Atlantik istəklərinə” məhəl qoymadığını vurğulayıb.

Dövlət Departamentinin mətbuat xidmətinin rəhbəri qeyd edib ki, bütün bu hərəkətlər ABŞ və Gürcüstan arasında münasibətləri təhlükə altına qoyur.

O xatırladıb ki, ABŞ dövlət katibi Antoni Blinken “Gürcüstanda demokratik prosedurlara və institutlara xələl gətirənlərə” qarşı viza məhdudiyyətləri tətbiq etmək niyyətindədir.

Mayın 28-də Gürcüstan parlamentinin iclası keçirilib, iclasda dövlət başçısının xarici agentlər haqqında qanuna vetosu aradan qaldırılıb. Sənədin yekun qəbulunun lehinə 150 ​​deputatdan 84-ü səs verib.

Bundan əvvəl Gürcüstan parlamentində xarici agentlər haqqında qanunla bağlı keçirilən iclasda deputat küsmüşdü.

Miri