Çin hakimiyyəti Tayvana silah tədarükünə görə üç Amerika şirkətinə qarşı sanksiya tətbiq edib.

Oxu24.com xəbər verir ki, bu barədə Çin Ticarət Nazirliyinin mətbuat xidməti məlumat yayıb.

Qeyd olunur ki, məhdudiyyətlər General Atomics Aeronautical Systems, General Dynamics Land Systems, eləcə də Boeing Defence, Space Security şirkətlərinə tətbiq edilir.

Bu şirkətlərin Çinə məhsul idxalı və ixracı, eləcə də ölkə iqtisadiyyatına investisiya yatırması qadağandır. Top menecerlərin ölkəyə girişi və yaşayış icazəsi alması qadağan edilib.

Bundan əvvəl Rusiya prezidenti Vladimir Putin ABŞ-ın Çin avtomobillərinin keyfiyyətinin yüksəlməsinə görə sanksiyalar tətbiq etdiyini bildirmişdi.

ABŞ prezidenti Co Baydenin administrasiyası Çindən idxal edilən elektrik avtomobilləri, tibbi məhsullar və günəş avadanlığı kimi sektorlara təsir edən yeni tariflər elan etməyi planlaşdırırdı.

Nigar