BMT-nin azı iki əməkdaşı Qəzza zolağı ilə Misir sərhədində yerləşən “Rəfah” keçid məntəqəsi yaxınlığındakı hərbi əməliyyatlarda yaralanıb.

OXU24.COM  bu barədə xarici KİV-lərə istinadən xəbər verir.

Məlumata görə, zərərçəkənlərdən birinin vəziyyəti ağırdır.

İsrailin “Kan” radiostansiyasından qeyd edilib ki, təhlükəsizlik xidmətləri hadisənin baş vermə şəraitini araşdırır.

Qeyd edək ki, mayın 7-də İsrail ordusu Qəzza zolağında HƏMAS-ın 150-dən çox obyektini məhv etməklə Rəfah keçid məntəqəsinə nəzarəti ələ keçirib.