Yunanıstanda fermerlər etiraz əlaməti olaraq Salonikidə yolları bağlayıb, daha ucuz yanacaq və hakimiyyətdən pis hava şəraiti səbəbindən zeytun ağaclarının itirilməsinə görə təzminat tələb ediblər.

Oxu24.com  xəbər  verir  ki, bu barədə “Skai” telekanalı məlumat yayıb.

Aksiya çərçivəsində etirazçılar Selanik-Nea Moudania magistral yolunu traktorlarla hər iki istiqamətdə bağlayıblar.

Bazar ertəsi, fevralın 5-də etirazçılar tələblərini əks etdirən petisiyanı çatdırmaq üçün Salonikidəki Makedoniya və Trakya İşləri Nazirliyinin binasına traktorlara minməyi planlaşdırırlar.

Tətil komitələri daha sonra Nikea şəhərində (Larissa bölgəsi) keçiriləcək iclasda gələcək fəaliyyətləri müzakirə edəcəklər.

Bundan əvvəl fermerlər Agrotica kənd təsərrüfatı sərgisinin açıldığı Saloniki Beynəlxalq Sərgi Mərkəzində 300 traktor saxlamışdılar.

Fevralın əvvəlində Macarıstanın baş naziri Viktor Orban bildirib ki, etiraz edən fermerlərin traktorlarının siqnal səsləri onun Aİ-nin Brüssel sammitində danışıqlara başlamazdan əvvəl yaxşı yuxu almasına mane olub. Siyasətçinin dediyinə görə, dayanmadan zümzümə edən və hər on dəqiqədən bir onu yüksək səslərlə yuxudan oyandıran otelinin pəncərələri altında 200-ə yaxın traktor dayanıb.

Bundan əvvəl Almaniyanın ən böyük hava limanı fermerlərin etirazına görə nəqliyyatın hərəkətində fasilələr yarandığını bildirmişdi.

Nigar