Oxu24.com  xəbər  verir  ki,Krallığın Xarici İşlər Nazirliyinin X sosial şəbəkəsində verdiyi açıqlamaya görə, Səudiyyə Ərəbistanı təmkinli olmağa çağırıb və ABŞ və Böyük Britaniyanın Yəməndəki husi hədəflərinə zərbələrindən sonra eskalasiyadan çəkinməyi tövsiyə edib.

“Krallıq bütün dünyanın maraqları naminə naviqasiya azadlığının beynəlxalq tələb olduğu Qırmızı dəniz regionunda təhlükəsizliyin və sabitliyin qorunmasının vacibliyini bir daha təsdiqləyir və regionda baş verən hadisələr fonunda təmkinli olmağa və gərginliyin qarşısını almağa çağırır. ”, - deyə məlumatda bildirilir.

Yanvarın 12-nə keçən gecə ABŞ və Böyük Britaniyanın silahlı qüvvələri Bəhreyn, Avstraliya, Hollandiya və Kanadanın dəstəyi ilə Yəməndə husilərin nəzarətində olan hədəflərə zərbələr endirib.

Qərb koalisiyasının zərbələrinə cavab olaraq Yəmən silahlı qüvvələri “yer-yer” tipli raketləri kütləvi şəkildə atmağa başlayıb.

ABŞ prezidenti Co Bayden zərbələri müdafiə xarakteri daşıyan husilərin Qırmızı dənizdəki yük gəmilərinə hücumlarına birbaşa cavab adlandırıb.

O, həmçinin "lazım gələrsə, tərəddüd etmədən əlavə tədbirlər görəcəyinə" söz verdi.

Buna cavab olaraq husilər Yaxın Şərqdəki ABŞ və Britaniya hərbi bazalarına hücum edəcəkləri ilə hədələyiblər.

Müəllif:Afət