NATO müttəfiqləri hər zaman Ukraynanı dəstəkləyiblər və çətin zamanda müttəfiqlər bu dəstəyi daha da gücləndiriblər.

Oxu24.com-un  xəbərinə görə, bu barədə NATO Baş katibi Yens Stoltenberq bildirib.

Baş katibin sözlərinə görə, Ukrayna səmasının bağlanması məsələsi NATO XİN rəhbərlərinin iclasında müzakirə olunub: “NATO müttəfiqləri razılaşırlar ki, Ukraynanın hava sərhədləri daxilində fəaliyyət göstərən NATO təyyarələri və Ukrayna ərazisində NATO qoşunları olmamalıdır”.

NATO Baş katibi həmçinin bildirib ki, Ukrayna Ordusu Rusiyanın irəliləməsinə imkan vermir: “Görünən odur ki, Rusiya Prezidenti Ukrayna Silahlı Qüvvələrinin gücünü az qiymətləndirib. Ukrayna Ordusu Rusiyaya qarşı savaşır və Rusiya Silahlı Qüvvələrinin irəliləməsinə imkan vermir”.

Yens Stoltenberq bildirib ki, bu, Ukrayna Silahlı Qüvvələrinin gücünün, Ukrayna xalqının və Prezident Zelenski başda olmaqla hökumətin cəsarətinin nəticəsidir: “Biz onlara kömək edirik, NATO müttəfiqləri Ukraynanı təchiz edir. 2014-cü illə müqayisədə Ukrayna ordusu daha güclüdür, daha yaxşı təchiz olunmuş vəziyyətədir. İllər ərzində NATO-nun təchizat və keçdiyi təlimlər bu prosesdə rol oynayıb”, - deyə Yens Stoltenberq qeyd edib.